ගමට කලින් හිරු (කලා වැවේ නිල් දියවර අපෙ අම්මා) - කරුණාරත්න දිවුල්ගනේ - ඔරිජිනල් ගී පද එම්පීත්රී ඩවුන්ලෝඩ්
Gamata Kalin Hiru (Kala Wawe Nil Diyawara Ape Amma) - Karunarathna Divulgane - Original Song Track Lyrics Audio MP3 Download
ගමට කලින් හිරු මුළුතැන්ගෙට වඩනා
ඒ හිරු එළියේ නැණ මල් පොඩි පිපුනා
ඒ මල් සුවඳේ අද ලොව්තුරු සුව විඳිනා
කලා වැවේ නිල් දියවර අපෙ අම්මා
රෑ කළුවර අරගෙන දරුවන් එනතුරු සිත නෑ නිවන් දකින්නේ
රෑ කළුවර ඇවිදින් ඉකිබිඳ හැඬුවත් නෙත නෑ නිදි විඳ ගන්නේ
හෙට අරුණට සැරසෙන තව දවසක් ගැන නින්දේ සිහින දකින්නේ
මහ මායාවෙනි කවදාදෝ ඔය නෙත් දරු සෙනෙහසින් මිදෙන්නේ
වෙල් දෙණිවල ඇවිදින දෙපා රිදෙන විට විහඟ ගීත බණ පද වේවා
බෝ මළුවක ඇවිලෙන පහන් වැටක් සේ තුන් සිත නිවී සැදේවා
මතු උපදින සසරේ විශාකාව වී මෙත් මග නෙත් හමුවේවා
ඇත් රැජිණියනේ ඔබෙ නැලැවිලි ගීතය ලොවම නිවන කවියක් වේවා
ගමට කලින් හිරු මුළුතැන්ගෙට වඩනා
ඒ හිරු එළියේ නැණ මල් පොඩි පිපුනා
ඒ මල් සුවඳේ අද ලොව්තුරු සුව විඳිනා
කලා වැවේ නිල් දියවර අපෙ අම්මා
ගායනය - කරුණාරත්න දිවුල්ගනේ
ගී පද රචනය - සුනිල් දයානන්ද කෝනාර
ගී තනුව - සුනිල් දයානන්ද කෝනාර
